General Santos City—hangtud sa kasamtangan wala pa ghihapon mitahan sa iyang kaugalingon sa kapulisan o sa mga Barangay Official sa Barangay Batomelong ang amahan nga nangulata sa iyang tulo ka anak kansa nag trending sa Social Media.
Gibalikan sa RMN News Team ang pinuy-anan ni Jeffrey Udasan sa Purok 5, Barangay Batomelong ug nasuta gikan mismo sa mga partyenti ug mga silingan sa nahisgutan nga wala na mibalik sa lugar ang nasangpit nga amahan.
Nasayran nga pakyas ang mga paryenti niini nga mapasurender si Jeffrey gumikan sa iyang kahadlok nga siya mapriso.
Kahinumduman nga kagahapon sa udto dihang malampuson usab nga narescue sa mga personahe sa CSWDO-Gensan ang lalaking anak ni Jeffrey kansa wala niuban sa rescue team niadtong adlawng Lunes atol sa pagrescue sa iyang duha ka igsuong babaye.
Samtang sa karon ginahikay na ang kasong posibling ipasang-at ngadto kaniya.
