Davao City-Kasong Parricide ang gipasakang kaso sa amahan nga mipatay sa iyang duha ka anak pinaagi sa pagkulata sa Jose Abad Santos, Davao Occidental.
Sumala ni Police Chief Inspector Quincio Pante hepe sa kapolisan sa Jose Abad Santos Municipal Police Station, gipasaka na nila ang kaso pinaagi sa inquest proceeding sa suspek nga si Alyas Jojo, 27 anyos ug nagpuyo sa Sitio Kimalibay, Barangay Meybio, Jose Abad Santos, Davao Occidental.
Base sa imbestigasyon, hubog nga miuli sa ilang balay ang amahan ug perting sukoa sa dihang nasayran nga milayas ug gibiyaan na siya sa iyanga asawa, hinungdang iyang napahimungtan ang iyang duha ka mga anak nga perting hilak niadtong tungora, pinaagi sa pagbunal-bunal nga miresulta sa kamatayon ni Michael, 4 anyos ug ni Mary Ann, 2 anyos.
Wa makalayas ang amahan tungod kay dali ra kining nadakpan sa mga Barangay Tanod sa ilang lugar ug giturn-over sa kapolisan.
Kasamang Bernard Pantallon
