Retiradong sundalo nga namusil-hingpit nang gipasakaan ug kaso

60

General Santos City—hingpit nang napasakaan ug kaso ang retiradong Sundalo kansa suspek sa pagpamusil ilawom sa area of responsibility sa Police Station no. 7.

Nasayran nga pormal nang gipasang-at sa mga personahe sa Police Station 7 ang kasong frustrated murder batok sa suspek nga si Juan Balmes, 61 anyos nga taga 37th IB reservation Barangay Fatima Gensan.

Nag ugat ang kaso batok sa suspek human niyang napusilan ang karpentero nga si Ricardo Montesa, residenti sa samang lugar.


Nasayran nga duna nay daang bangi ang biktima ugang suspek ug sa nakalabayng adlaw dihang nahubog ang suspetsado, iyang giatngan ang biktima ug gipusil.

Swerti usab nga wala mapuruhan ang biktima ug sa bukton lang naigo. Sa karon pabilin sa kustudiya sa kapulisan ang suspetsado samtang ang biktima nagpaalim pa sa iyang samad nga naangkon.

Facebook Comments