General Santos City— Kasong Act Of Lasciviousness ug Physical Injury ang atubangon sa suspek nga si Welterio Alyas Dodong human kining gireklamong nag-among-among sa iyahang mga anak.
Sumala kang Police Senior Inspector Fernando Manuel Jr., hepe sa Police Station 7 nga sa karon dili pa niya makumpirma kung gilugos gyud ang mga biktima gumikan basi sa pamahayag sa mga nasangpit, igo lang silang gigunit-gunitan.
Apan basi sa resulta sa medical, adunay mga laceration ang pribadong parte sa lawas sa mga biktima.
Dugang pamahayag ni PSI Manuel nga nakadawat sila ug report nga adunay sexual abuse nga natigayon rason nga gilayon nila kining girespondihan.
Wala na matud pa makapalag ang suspek human kining gikulata sa mga residente sa lugar hinungdan nga nakaangkon ug black eye.
Sa kasamtangan, ang suspek ang balhog na sa lock up cell sa police station 7. (Lore Romualdo)
