General Santos City— Dakpan pinaagi sa warrant of arrest ang usa ka amahanan nga nag-atubang ug 10 counts of rape human matud pa niyang gihilabtan ang iyahang 14 anyos nga anak.
Giila ni Police Chief Inspector Nestor Madersi Jr., hepe sa Police Station 1 ang suspek nga usa ka Arnold Embitansus, 47 anyos nga temporaryong nagpuyo sa Brgy. Ladol, Alabel, Sarangani.
Sumala pa nga nahitabo ang pagmolestiya niini sa iyahang anak sa may Silway, Brgy. West ning dakbayan milabay tuig ug malampusong nadakpan sa may Prk. 5, Brgy. Ladol. Alabel, Sarangani human makit-an sa tropa sa kapulisan.
Dugang pamahayag ni PCI Maderse nga base sa imbestigador sa maong kaso, mismong ang asawa sa suspek nga inahan sa biktima ang mipasang-at ug kaso human masayran ang maong insidente.
Apan ilahang gikabalak-an mao ang pagdapig sa inahan ngadto sa susek sa karon kung asa gihingusgan niini nga dili ang iyahang bana maoy nanghilabot sa iyahang anak kundili ang 19 anyos niining uyab kaniadto.
Sa kasamtangan, anaa na sa kustudiya sa Police Station 1 ang suspek ug ginapa-abot nalang ang commitment order aron nga hingpit ng mabalhin sa lanton reformatory center.
