Tabina, Zamboanga del Sur – Patay ang usa ka amahan human kini gibundakan og bato ug gitigbas ang liog niini sa iya mismong kaugalingong anak sa lungsod sa Tabina ning probinsya sa Zamboanga del Sur.
Ang biktima nailang si Fernando Bulaga Mercado, 54 anyos, balo ug usa ka mag-uuma kinsa gipatay sa mismong adlaw sa Pasko sa iyang anak nga si Robert Cabrera Mercado, 24 anyos, walay trabaho ug pulos mga residente sa Sitio Tambulian, Barangay Malim, lungsod sa Tabina.
Nasayrang nakatulog gumikan sa kahubog ang biktima sa dihang nahitabo ang walay kokaluoy nga pagpatay.
Personal nga bingkil ang motibo sa krimen gumikan kay naandan na matud pa sa biktima nga manghulga nga patyon ang iyang anak sa dihang lango kini sa ilimnong makahubog.
Gisaysay sa suspek nga sa wala pa mahitabo ang pagpatay, gigukod pa kini siya sa iyang amahan ug gipabuthan siya og airgun.
Isip balus, gibundakan sa niya kinig bato sa ulo ug gitibgas ang liog gamit ang sundang nga maoy hinungdan sa iyang hinanaling kamatayon.
Samtang, boluntaryong mitahan sa kapulisan ang suspek nga mag-atubang sa tukmang kaso.
