General Santos City–no comment nalang si Hernando Oktador, amahan ni Deddy Oktador legal age ug nanimuyo sa prk. San Roque Barangay Labangal ning syudad kansa napusilan sa Chief Of Police sa Glan MPS nga si PCI Manuel Ryan Lim sa nahitabo sa iyang anak.
Sumala sa nahisgutan nga wala gihapoy pulos kung maghatag kini ug komento bahin sa nahitabo sa iyang anak tungod wala man gihapon silay dag-anan.
Nasayran nga napusilan si Deddy human nga misuway matud pa kini ug sukol sa kapulisan atol sa pag-enterogate kaniya kagahapong adlawa sulod mismo sa Glan MPS. una nang nasikop si Deddy uban ni Nelboy Awon, 22 anyos nga taga Laguimit Glan gumikan matud pa sa pagpamaligya ug karnap nga motorsiklo sa maong lugar.
Giangkon hinuon ni Hernando nga daan nang napriso ang iyang anak tungod sa kasong karnaping dinhi sa dakbayan sa Gensan. Edad 17 anyos dihang kini napriso sa Gensan City Repormatory Center, human sa lima ka tuig, siya nakagawas sa prisohan.
Nagtuo pa ang amahan nga nagbag-o na ang iyang anak mao nga nakurat nalang kini dihang nasayran nga nadakpan sa lungsod sa Glan tungod sa pagbaligya ug karnap nga motorsiklo. dugang pag-angkon ni Hernando nga naggamitan ug iligal nga droga ang iyang anak kaniadto.
Una na usab nilang gipailawom sa rehab si Deddy sulod sa usa ka simana apan naundang human nga kini napriso. Gibutyag pa sa amahan nga luyo sa kabadlungon sa iyang anak dili gyud makatarunganon ang gihimong pagpusil kaniya sulod mismo sa Glan Municipal Police Station.
