General Santos City–Dako ang pagtuo ni Theodoro Flores, amahan sa namatay nga si Rey Flores, taga Brgy Labangal ning syudad nga planted ang mga shabu nga nakuha sa posisyon sa iyang anak.
Nasayran nagpahigayon og operasyon ang kapulisan sa Gensan niadtong nakalabayng adlaw sa usa ka luna nga gina-gwardyahan ni Flores sa brgy San isidro og didto namatay ang suspetsadong si Flores.
Nasayran nga gibutyag sa kapulisan nga misukol kanila ang suspek gamit ang pusil hinungdan nga ila kining gibaslan og pabuto ang namatay.
Dako usab ang pagtoo sa amahan nga si Teodoro nga duna lay nangdaut sa panagalan sa iyang anak og gisumbong kini ngadto sa kapulisan hinungdan nga gi-operasyon.
Apan sumala sa amahan nga wala gyud gabaligya og iligal nga droga ang iyang anak kundi igo lang kini nagtrabaho isip gwardya.
Dugang pamahayag sa amahan nga normal lang usab nga dunay mga armas sa ginatrabahoan sa iyang anak hain didto na usab kini nagapuyo tungod usa man kini ka security guard.(Jordan Britos)
