DALLAS – Capital murder ang ginapangatubang sang amay matapos ginbuno-patay ang 16-month-old nga bata nga lalaki sa Dallas-area apartment complex sa Estados Unidos.
Ang suspek ginkilala kay Blair Ness, 27 anyos.
Suno sa awtoridad, ginluthang sang iya kasilingan sa paa si Blair agud mauntat ang pagbuno sa bata apang wala na matabangan pa ang bata.
Suno sa pila ka mga nakakita sa insidente, nabatian nila nga nagasinggit si Blair sang “Jesus is coming” samtang ginabuno ang anak.
Wala pa sang maathag nga rason kag motibo sa pagbuno-patay ni Blair sa iya mismo bata.
Santu sa police affidavit, posible nakadroga ang amay ilabi pa nga may marijuana sa iya apartment.
“I know everyone’s mad. I’m mad. I killed my son,” ang pahayag ni Blair samtang ginaposasan sang mga kapulisan.
Photo ctto
