ISABELA, NEGROS OCCIDENTAL – Ginlabo sang isa ka bata ang iya kaugalingon nga amay gamit ang espading kagab-i sa Brgy. Tinongan, banwa sang Isabela.
Ginkilala ang biktima nga si Orlando Guarin, legal ang edad samtang ang suspek naman amo ang iya bata nga si Jesmar Guarin, legal man ang edad kag lunsay pumuluyo sang Had. Antolanga, Brgy. Tinongan sang amo nga banwa.
Suno sa imbestigasyon sang Isabela Municipal Police Station, may mga las 9 kagab-i sang nag-abot sa puluy-an sang iya amay ang suspek kag may nagluntad nga pagbina-isay sa tunga nila nga duha.
Bangud sini, nagkuha sang espading ang suspek kag ginlabo ang iya amay nga naigo naman sa iya ulo.
Gilayon gindala sa Ignacio Lacson Arroyo Sr. Memorial District Hospital ang biktima samtang gilayon naman nga nagpalagyo ang suspek./photo courtesy of Mary Joy Murillo
