ESCALANTE CITY, NEGROS OCCIDENTAL – Patay ang isa ka lalaki matapos gintiro sang riding-in tandem kahapon sang hapon sa ciudad sang Escalante.
Nakilala ang biktima nga si Vicente Poleros, 41 anyos ang edad pumuluyo sang Brgy. Alimango, Escalante City.
Ang insidente natabo pasado las 4 sang hapon kahapon, Agosto 3 sa isa ka lugar sa Brgy. Salebo sa amo man nga ciudad.
Suno sa bata sang biktima, ang iya tatay ang ginsundan sang mga suspek nga nagaangkasanay sa motor kag hinali na lamang nga gintiro.
Nag-angkon sang multiple gunshot wound ang biktima nga ginalakipan sang igo sa iya pus-on, guya, likod, wala kag tuo nga kamot.
Gindala pa sa Corazon Locsin Montelibano Memorial Regional Hospital ang biktima apang ini ang gindeclare dead on arrival sang attending physicial nga si Dr. Estoque may mg alas 7:48 kagab-i./dyHB BACOLOD
