MOISES PADILLA, NEGROS OCCIDENTAL – Patay ang isa ka lalaki matapos nga ini ang gintiro sang 3 ka mga suspek nga nagpakilala katapo sang NPA kagab-i sa banwa sang Moises Padilla.
Ang biktima ginkilala kay Jose Lido Ramirez, 53 anyos, residente sang Sitio Agogolo, Brgy. Macagahay, Moises Padilla.
Suno sa Moises Padilla Municipal Police Station nga ang insidente natabo may mga las 6:30 kagab-i sa amo nga lugar kon diin gintiro ang biktima samtang nga ini ang nagalakat sa dalan upod ang iya anak agud kuntani nga magpauli na.
Pahayag sang bata sang biktima nga si Marvin Ramirez, nga tatlo ka mga lalaki ang nagpalapit sa ila kag nagtiro sa iya amay kag antes nga nagpalagyo, nagpakilala ang mga ini nga miembro sang New People’s Army./DYHB NEWSROOM
