(c) Mdrrmo NW
New Washington – Tama it pagbuno sa tuo nga abaga rong naangkon it manghod matapos mabun-an ko anang magueang kabii sa Brgy. Ochando, New Washington, Aklan.
Ro biktima nakilaea kay Jayson Vicente, 19-anyos samtang rong suspek nakilaea kay Jomar Vicente, 26-anyos tanan residente it nasambit nga lugar.
Suno sa andang nanay nga kabii rayang suspek hay halin sa birthday pag-abot sa anda hay nagpamalikwa ag nag-usoy it suea ugaling sinaing ro anang nakita.
Nagpaungae rong suspek rason nga imaw gin ingaan ko anang manghod nga si Joven Vicente ag may natabo kandang pagbaeaywan hasta nga ko ulihi hay nag intra man ro andang tatay.
Nakabuoe it siyaw rong suspek sa pihak nga baeay gina hana nga bun-on ro andang tatay rason nga pumatunga rong biktima ag imaw inigo it pagbuno.
Sa makaron hay padayon nga ginabueong sa Aklan Provincial Hospital rong biktima samtang rong suspek hay detained makaron sa lock up cell it New Washington PNP para sa nagakaigo nga disposisyon.
