Roxas City, Capiz – Makahalanusbo ang nadangatan sang anak sang isa ka OFW matapos ginpatay sang kaugalingon nga amay samtang yara sa abroad ang iloy. Nagluntad ang insidente mga alas 10:00 kaina sang aga.
Ginpatay sang 30-anyos nga amay ang kaugalingon sini nga anak sa Brgy San Jose, Roxas City antes man gin-utas ang kabuhi kaina sang aga.
Nahibaluan nga naga obra bilang OFW sa Qatar ang asawa sang napatay. Una nga nakit-an sa kusina nga porsyon sang ila poluy-an ang nagabitay nga lawas sang amay nga ginkilala kay Jaypee Capapas.
Apang nadiskubrehan sang ulihi sang pamilya nga indi lamang ang kaugalingon nga kabuhi sini ang iya gin-utas kundi pati ang bata nga lalaki nga yara sa ila kwarto ang iya man ginpatay pinaagi sa paghigot sang wiring cord sa liog sini.
Maayo nalang gani nakapalagyo ang kamagulangan nga bata kag naka panugid sa iya katiyaan.
Nahibaloan nga separado na sa iya asawa si Capapas. Samtang ginahibalo pa kon ano ang madalom nga rason sang pag-suicide sini.
(Jennifer Palomo Debaja)
