Dead on arrival sa ospital ang isa ka amay, matapos nga naghikog sa Lake Sebu, South Cotabato.
Ginkilala ang biktima kay Royland Labore Pelaez, 29 years old, empleyado sang Divine Mercy Retreat House, Barangay Lamdalag, Lake Sebu, South Cotabato (stay-in employee) kag residente sang Pablo Ko St., Kalawag II, Isulan, Sultan Kudarat.
Base sa imbestigasyon sang Lake Sebu MPS, alas 4:55 sang hapon sang Hunyo 27, 2021 nasapwan nga nagabitay ang biktima sa ila nga quarter room sa Divine Mercy Retreat House sang iya nga pakaisa nga empleyado man sang nasambit nga establishemento.
Sa pahayag sang asawa sang biktima nga umpisa sang napatay ang ila premature nga bata nga lalaki sang Abril 20, 2021 naobserbaran niya nga masami nga nagahipos kag depressed ang iya bana.
Dugang pa nga bag-o pa man ang insidente nagpamaalam ang biktima sa iya nga asawa kag nagsiling nga magaapas ini sa iya nga bata nga ginapatihan “joke lang”
Apang ginkakibot na lamang sang asawa nga naghikog ang bana.
