Amay nga hubog naghinulsol matapos ginbubuan nya gasolina ang iya kalive-in kag anak

SILAY CITY, NEGROS OCCIDENTAL – Padayon karon nga confined sa isa ka ospital ang mag-iloy matapos nga ini sila ang ginbasyahan sang gasolina sang ka live-in partner niya nga lalaki kag ginsindihan kahapon sang hapn sa Brgy. Mambulac, Silay City.

Ang iloy nakilala kay Cinderella Gargaceran, 24 anyos, residente sang Brgy. Mambulac, Silay City samtang ang bata nga gintawag gid lamang kay ‘Nene’.

Samtang, ang suspek naman nakilala kay Dodie Gulmatico, 22 anyos, tumandok sang Brgy. Alijis,Bacolod City.


Suno sa hepe sang Silay City Police Office, P/Supt. Noel Polines sa interview sang DYHB kaina sa programa Targetanay sa Udto ni Radyoman Nick Mariño nga ang insidente natabo may mga las 2:30 kahapon sang hapon sa balay nga gina-istaran sang maglive-in sa amo nga barangay sa Silay City.

Ginpahayag nga ang biktima kag ang iya 3-anyos nga bata nga babayi ang yara sa sulod sang ila balay sang nagsulod ang suspek kag hinali na lamang sila nga ginbasyahan sang gasolina kag ginsindihan.

Bangud sini, nag-angkon sang 2nd degree burns sa iya guya kag paa ang nanay subong man ang iya 3-anyos nga bata nga babayi.

Masobra 1/4 ka litro sang gasolina ang ginbubo sang amay sa iya mag-iloy sa diin ginasiling hubog sang natabo ang insedente.

Gilayon naman nga nadakpan sang mga utoridad ang suspek nga ginaalegar naga-gamit sang illegal nga druga.

Pahayag sang suspek nga naghinulsol man siya sa iya ginhimo sa iya mag-iloy nga ginabulong karon sa isa ka ospital diri sa ciudad sang Bacolod./dyHB BACOLOD

Facebook Comments