Amay sa witness sa Sagay Massacre ginpablotter ang abogada sang Karapatan sa kaso nga kidnapping

867

SAGAY CITY, NEGROS OCCIDENTAL – Ginreklamo sang isa ka amay ang isa ka abogado sang kidnapping matapos nga tubtub subong wala pa niya nakita ang iya 14-anyos nga bata nga lalaki nga ginatudlo isa sa mga witness sa natabo nga Sagay 9 Massacre sa Brgy. Bulanon, Sagay City.

Nagpadulong sa Sagay City Police Station ang amo nga amay sang Martes agud ireklamo si Atty. Katherine Panguban sang Karapatan Alliance for Advancement of People’s Right ukon KARAPATAN.

Suno sa complainant nga sadtong October 2, 2018 may mga las 10 sang aga, ginkuha sang amo nga abogado ang iya anak sa kustidiya sang DSWD sa Sagay City apang tubtub subong wala ini nabalik.

Pahayag sang amay nga apesar sang iya pagtinguha nga ma-locate ang iya bata, wala gid niya ini na locate tubtub subong rason nga nagpa-blotter na gid lamang ini sa pulis./dyHB BACOLOD

Facebook Comments