Amay sang Ilonggo nga manunudlo tuman ang kalipay matapos narescue sang militar ang iya anak gikan sa Maute group

ILOILO – Tuman ang kalipay ni Melvin Acopio, amay sang manunudlo nga si Lordvin Acopio, isa sa mga ginhostage sang Maute terror group sa Marawi City.

Suno kay Melvin, wala na siya naglaum nga buhi pa ang iya anak matapos ang 117 ka adlaw nga paghostage sa iya anak.

Bugtong nila nga bata si Lordvin kag naggradwar sa Western Institute of Technology (WIT) sa kurso nga Commerce sang 2015.

Nagpadulong sa Marawi City si Lordvin upod ang iya mga abyan kag nagtudlo sa Dansalan College sa Marawi City.

Matapos ginhostage, suno kay Melvin nakatawag pa sa iya si Lordvin kag ginpahayag nga nacordon sang Maute group ang ila nahamtangan.

Pahayag sang iya amay, magluwas sa iya anak, may 5 pa ka taga-Badiangan nga ginhostage ang Maute group.