Maayon, Capiz- Lunsay ginpangdangat sa separado nga ospital ang mag-amay matapos ang mga ini ang naglab-anay sa alas 4:30 sang hapon sa Brgy. PiƱa Maayon.
Ginkilala ang biktima nga amay nga amo si Jeck Dellava y Diretso, 58-anyos kag casual employee sang Maayon Municipal Office. Ini ang nag-angkon sang pilas sa nawala nga butkon kag kamot matapos nga ginlabo sang mismo anak nga si Jacky Dellava y Diestro*, *30-anyos ang pang-edaron.
Base sa imbestigasyon sang mga kapulisan, nagahigda sa duyan ang biktima sang nag-abot ang hubog nga anak kag tuyo nga hulamon ang motorsiklo sang amay apang namalibad ini bangud iya man nga ginagamit sa trabaho.
Didto nagluntad ang mainit nga komprontasyon sa tunga nila nga nangin rason sang pagkuha sang sanduko sang suspek kag gilayon ginlabo ang amay.
Apang nakatigayon nga makabalos ang biktima pinaagi sa pagbuno gamit ang sumbiling(spear) sa iya dughan.
Sa subong padayon nga ginabulong ang mga ini sa separado nga ospital.
