Sa dihang mibisita ko sa island municipality sa San Franciso nga apil sa 4 ka mga lungsod sa isla sa Camotes, mao ni akoang na-diskubre. Ang anindot kaayo nga bag-ong laaganan sa mga lokal ug foreign nga mga turista nga nahimutang sa Sitio Lucbon nga sakop Barangay Consuelo —- ang maanindot nga “Amazing Island Cave”.
Nagbukas kini sa publiko niadtong Marso sa miaging tuig. Suma pa sa mga nagduma niini nga molapas gatus ka mga bisita ang ilang madawat sa matag adlaw labi na karon nga summer.
Perfect ang maong cave alang sa mga gustong maligo ug magpabugnaw. Singkwenta (50.00) pesos lang ang entrance fee sa mga gustong moduaw. Aduna pay jolly nga tour guide ug para sa safety, life jacket.
Sa akoang sunod nga pagbalik sa maong lugar akong siguradoun nga mobalik ko og tusmaw sa mabugnaw ug parat-parat (brackish) nga lasa sa tubig niini.
Kay summer naman, bisita na sa Amazing Island Cave sa maong isla.
