Patay ang tatlo ka pulis samtang pilason ang tatlo pa ka mga kaupdanan sini matapos gin-ambush sa convoy ni Food and Drugs Administration (FDA) Director General Nela Charade Puno sa Barangay Alanao, Lupi, Camarines Sur.
Ginkilala ang mga napatay kay SPO1 Percival Rafael, PO3 Carlito Navarroza, PO1 Ralph Jason Vida samtang ang mga pilason ginkilala naman kanday PO1 Jonathan Perillo, PO1 Ruby Buena kag PO1 Rodolfo Gonzaga.
Santu sa inisyal nga imbestigasyon, nag-abot sa Naga Airport si Puno kaina sang aga kag ginsugat sang grupo snag mga pulis agud idul-ong sa Daet, Camarines Norte agud magtambong sa isa ka aktibidad ngaa ginorganisa sang LGU-Daet.
Pasado las 8:55 sang nag-abot ang convoy sa Lupi kag didto na gin-ambush sang mga ginapatihan katapo sang New People’s Army (NPA).
Suno kay Col. Paul Regencia, spokesperson sang 9th Infantry Division, Philippine Army, gilayon nga nagresponde ang militar sa lugar sang insidente.
Ginhingagaw pa dala sa ospital ang mga pulis apang ginbawi-an gid snag kabuhi ang tatlo diri.
Luwas naman si Puno kag wala man nasamaran sa natabu nga ambush.
Photo from web
