Amenaso

El capitan de Salaan, si Sylverio Francisco ya dale amenaso que pormedio del barangay resolution ay tene sila que tranca con el calsada andada para na sanitary landfill.
Este si gendeh el gobierno local dale el atencion con el problema del bien machacao calsada porcausa con el maga grande-grande truck de basura ta pasa todol dia.
Asegun con Francisco na diila resolution ya dale sila hasta Agosto pecha uno si nohay pa siempre buen noticia ay serra ya sila con el calsada.
Ya queda bien sentimiento el barangay council despues el gobierno local ya habla que nohay pondo para compone con el calsada este amediante ya pidi sila el ayuda del gobierno porcausa con el situacion del calsada.
Asegun con Francisco manada ya vejiculo porcausa con el situacion del calsada.