Davao City – Gi-aprubahan na sa third and final reading sa konseho niadtong Marso 23 ang ordinansa sa pag regulate sa mga establisementong anaa sa listahan sa home sharing application sama sa AirBnb nga motuman sa gi-amendahang Tourism Code.
Subay kini sa reklamo sa mga local hotels sa syudad kang Davao City Councilor Al Ryan Alejandre kabahin sa dili patas nga pagbayad sa buhis sa mga online home sharing applications.
Gani, gipaluyuhan usab ni Alejandre ang laing ordinansa alang sa mga tag-iya sa mga condominium units ug panimalay nga naka-register ilawom sa AirBnb ug susamang home-accomodations nga magbayad og saktong buhis, mag-secure og business permits ug motuman sa regulatory laws sa syudad.
Ang maong ordinansa nagpaluyo usab sa kamugnaan sa usaka task force nga pagalangkuban sa mga member ug representante sa ubang ahensiya sama sa Business Bureau, City Planning and Development Office, City Engineer’s Office, Department of Tourism (DOT) ug Department of Environment and Natural Resources (DENR).
RadyoMaN Jason Amisola
