Davao City- Wala gipadaplin ni Amnesty International of the Philippines Mindanao Coordinator Hope Fernandez ang posibilidad nga dunay lama sa kamatooran ang drug matrix ni Pangulong Rodrigo Duterte.
Suma ni Fernandez nga dili layo ang posibilidad nga nagkunsabuhay ang mga narcopoliticians, druglords ug teroristang maute group sa Marawi siege diin ang tumong mao ang pagbalda sa kampanya kontra droga.
Gi-akusar karon sa mga sakop sa opposition nga usa ka diversionary tactic ang pagpresentar og matrix ni Pangulong Duterte sa ingon malihis ang mga isyu nga gibato kaniya ug sa iyang gobyerno.
Aron dili na makakita og bangag ang opposition, angay ipa-ubos pag-usab sa validation ang Matrix aron ma-istablisar ang conspiracy sa narco-politicians, ug mga druglords sa pagpundo sa maute group aron matigayon ang marawi siege.
Atong masabtan nga naglisod ang kagamhanan sa pagtuldok sa droga kay bisan og subsob ang mga operasyon sa kapulisan ug PDEA batok droga apan daghan gihapoy nagpayuhot.
Matud ni Fernandez, hangtud dili ikunsidara sa gobyerno ang barangay level approach ug ipadayon ang kasamtangan ang pamaagi dili ug dili gayod mabungkag ang drug matrix sa nasud.
RadyoMan Joel Viray
