Amonia leak na Coca Cola

ZAMBOANGA CITY– Cuantos trabahador del Planta del Coca Cola el ya sale afectao el resuelio y ya sinti cagang el maga ojos despues accidentalmente ya tene leaking na unu del maga barbula del tanque mientras hora de trabajo ayer aga.
Con unu del maga empleyao nombrao como si Obet Ventura, 54, ya tene que lleva corre na ospital despues ya man buyung este porcausa conel chemical que ya puede entra na naris durante el incidente.
El cuantos personahes del Zamboanga City Risk Reduction Management Office ya habla na prensa el incidente ya sosede despues el unu del maga technicians ya abre el barbula del tanque del amonia pero sin saber deste ya puede le abre el otro grande barbula y amo ya causa el amonia leaking.
El RMN Zamboanga ya precura saca el que se llama “official statement” del planta pero ningunus destos el ya emprenta y envez el maga guardiya na entrada ya buga y ya haria pa conel maga MEDIA como maga animal.–Dan Toribio

Facebook Comments