Davao City – Dead on arrival sa balay-tambalanan ang usa ka inahan human aksidenteng napusilan sa iyang anak sa Prk 1 Brgy. San Roque, New Corella, Davao del Norte alas 9 sa gabii niadtong adlawng Sabado, Abril 7.
Sa report gikan sa Police Regional Office kun PRO XI, samtang gina dry fire sa Police trainee nga giilang si Emmanuel Melana Dumapig ang pusil, wala kuno siya kabalo nga loaded kini ug aksidenteng nakaw-it ang gatilyo niini rason nga mibuto ug naigo ang salamin sa ilang balay nga milusot sa bungbong sa ilang kwarto diin asa naa sa sulod iyang inahan nga giilang si Emma Melana Dumapig resulta sa pagkaigo niini.
Matud pa nga kasong parricide ang atubangon sa anak sa biktima og dayunon sa pamilya nila ang kaso apan ang admin nga kaso ipasaka batok sa PO1 depende og mapamatud-an nga adunay pagpabaya sa kabahin sa naarestong police.
RadyoMaN Renz Barbarona
