Sa interbyu sa DXDC RMN Davao kang Senior Master Sergeant (PSMS) Irvin Lloyd Bonghanoy, imbestigador sa New Corella Municipal Police Station (MPS), giila niini ang suspek nga si alyas Jun-Jun, 41 anyos, ulitawo ug residente sa nahisgutang lugar.
Sa imbestigasyon, nagbaton og dakong lalis ang duha diin gibabagan matud pa ang suspek sa iyahang ama-ama human kini buot makigrelasyon sa iyahang mismong pag-umangkon.
Tungod sa kalagot sa suspek, didto na niya gipusil ang iyahang inahan gamit ang jolen gun human niini gidepensahan ang iyahang ama-ama.
Naigo sa biktima sa iyahang dughan ug likod. Gibunalan usab og bato ang ulo sa biktima apan nakalikay kini ug sa kilay lamang naigo. Stable na usab karon ang iyahang kahimtang.
“Kani man gud pong suspetsado, mura’g naa syay kaibog nga gipakita sa iyang pag-umangkon, anak sa iyang manghud nga nagpuyo didto sa iyang mama. Syempre, mo-against gyud ang iyahang mama nga mahitabo ang relasyon nila sa iyahang pag-umangkon, which is ang iyahang pag-umangkon pud mismo, dili gyud pud gusto,” saysay sa pulis.
Mibunlot pa usab kini og sundang aron itigbas usab sa iyahang ama-ama apan wala kini milampos, diin gilayong kining gipapulis.
Dugang sa imbestigador nga dili hubog ang suspek atol sa insidente.
RadyoMaN Kirby Manzon
