General Santos City–Nagtingkagol karon sa Police Station 1 ang usa ka Perolino Mancao, 61 anyos, usa ka negosyante ug nanimuyo sa Camachili St. Barangay East, Gensan human nga gipapreso kini sa iyahang kaugalingong anak nga si April Mancao, 27 anyos ug nanimuyo usab sa susamang lugar human nga gitiunan matud pa kini ug armas alas 11:00 ang takna sa gabie.
Sumala pa nga nakadawat ug report ang kapulisan gikan sa biktima kabahin na sa pagpanion matud pa sa suspect ug armas sa iyahang amahan ngadto kaniya hinungdan nga girespondehan sa kapulisan.
Pag-abot sa lugar anaa sa sulod sa panimalay ang suspect nga daw lango sa ilimnong makahubog hinungdan nga giadtuan ug dala sa suspect ang usa ka sling bag.
Gipa-abrihan matud pa sa kapulisan ang maong bag ug didto nakita ang usa ka cal. 45 nga armas ug adunay upat ka buhing bala. Gipangayuan man usab sa kapulisan ug dukomento ang suspect apan wala kiniy mapakita hinungdan nga gipreso kini sa police station 1
Samtang kasong grave threat ug pagsupak sa RA 10591 ang kaso nga atubangon sa suspect.(Dave Silagan)
