Guipos, Zamboanga del Sur – Nagpaalim na karon sa balay tambalanan ang usa ka biktima human kini ang gipusil sa kaugalingon amahan didtung dapita sa Purok 7, Bagong Oroquieta, Guipos, Zamboanga Del Sur alas 11 sa buntag ang takna sa nakalabay huebes.
Sumala pa sa PNP Guipos ang biktima mao si Jore Diyapana Antone, 21 anyos, mag-uuma, samtang ang suspek mao si George Dicahan Antone, 43 anyos, mag-uuma, amahan sa biktima managsamang resedente sa nahisgutang lugar.
Sa imbestigasyon nasayran nga ang biktima ang lango kini sa ilimnong makahubog sa dihang naglalis kini ngadto ni Bakang Dictahan ig-agaw sa biktima nga miresulta sa pagkuha ug kutsilyo sa biktima ug luba ngadto ni Bakang Dictahan apan gisulayan kini pag-ulang sa amahan kon suspek.
Tungod niini ang suspek ang gipuntarya sa biktima aron lubaon gamit ang hunting knife rason nga nikuha sa iyang armas gikan sa buos ug napugos sa pagpusil sa biktima sa dughan nga bahin ug sa likod niini.
Dali nga gidala sa Zamboanga del Sur Medical Center ang biktima alang sa dalian nga medekasyon.
Samtang ang suspek ang gidala ngadto sa Guipos Municipal Police Station alang sa tukmang disposasyon.
