General Santos City–Emosyonal nga miatubang sa media ang anak nga babae ni Maasim Mayor Aniceto Lopez Jr. human nga pormal nang napasakaan ug kaso ang amahan niini sa procecutors office sa sala ni Fiscal Elmer Lastimosa alas 12.00 ang takna sa udto kagahapong adlawa.
Sumala ni Macking Lopez anak sa mayor nga sa karon ginahulat pa nila ang mga legalities nga ibutyag sa ilahang abogado kabahin na sa kaso sa iyahang amahan samtang gipagawas usab niini ang iyahang kasuko sa mga tao nga mikondina sa ilahang pamilya human gipreso ang iyang amahan bisan paman nga wala pay hukom sa korte nga kini guilty.
Gani nagpasalamat nalang usab kini sa mga tao nga padayong nag-uban ug nagtuo kanila luyo sa kontrobersyal nga giatubang sa ilang pamilya.nagsalig usab sila nga malutsan sa ilang amahan ang kaso tungod inosente matud pa kini sa mga aligasyong gihapak kaniya.
Si Lopez giakusahan sa PDEA nga lider sa El Patron Drug Group ug supporter matud pa sa grupo Ansar Al Khilafa Philippines (AKP). (Dave Silagan)
