General Santos City—Patay ang anak sa usa ka sikat nga boksidor human nga gipusil sa wala mailhing suspetsado nga nakamotorsiklo alas 7:35 ang takna sa Gabie sa may Carcon Vill., Barangay Lagao, Gensan.
Giila ang biktimang si Rolando Navarete II, alyas Tuko, 24-anyos, laborer ug taga Carcon Village, Barangay Lagao ning dakbayan.
Si Rolando Navarete II ang anak sa kanhing sikat nga boksidor niadtong 1980’s nga si Rolando Navarete.
Sa inisyal nga imbestigasyon, naglakaw si Navarete II kauban ang kapuyo padulong sa usa katindahan dihang kalit mihunong ang usa ka motorsiklo og dayon gipusil ang biktima sa back rider igo sa iyang lawas.
Daling gidala sa ospital ang biktima apan gideklarang dead on arrival. Human sa hitabo gilayong misibat sa wala sayring lugar ang mga suspek.
Samtang narekober sa crime scene ang duha ka basiyo sa bala sa kalibre .45 nga pusil.
Sa kasamtangan giimbestigahan na sa kapulisan ang motibo sa maong pagpatay.
Nasayran nga niadtong nakalabayng semana, usa usab ka personahe ang gipusil patay sa wala mailhing suspek atubangan lang sa iyang panimalay.
Ccto
