General Santos City–Wala matud pa nalakip sa listahan sa mga high value target sa kapulisana si Mark John Bagonoc , 38, anak ni City OCuncilor Elizabeth Bagonoc, residenti sa Calinas St. Barangay Lagao ning syudad bisan paman ug anak kini sa usa ka politiko ning syudad.
Sumala pa ni Police Chief Inspector Tirso Pascual ang labaw sa City Police Drug Enforcement Unit nga maoy nakadakop sa suspect nga aduna silay ginatan-aw nga mga qualification ayha nila mabutang sa high value target ang usa ka suspect.
Dugang pa niini nga wala man usay kalabutan ang iyang inahan nga konsehal sa syudad sa iyang binuhatan ug wala man usab nagamit sa suspect ang impluwensya sa iyang inahan sa iligal niining aktibidad ingon man dili man usab kini mabatayan sa iyang inahan sulod sa 24 ka oras hinungdan nga nakabuhat ug binuang ang nasangpit.
Samtang nalipay man usab si pci pascual tungod kay gibutyag sa suspect ang iyahang mga source nga mamahimo usab nila nga target sa ilahang sunod nga transaksyon.
Dugang pa sa maong opisyal nga dili gikan sa syudad sa Gensan ang mga ginabaligya sa nasangpit nga suspect ug ginadala lang matud pa kini sa iyang mga contact gikan sa Cotabato City. (Dave Silagan)
