Ang anak sa mayor sa Labason, Zamboanga del norte ang gikataho nga gidagit kini sa mga armadong kalalakihan kagabie mga alas 6 sa gabie kapin kun kulang.
Ang pangdagit nahitabo gikumpirma kini ni salug vice mayor Jesus Lim.
Matod pa ni lim, ang anak ni Labason Mayor Eddie Quimbo, nga si Jade Quimbo ang gidagit kini sa 6 ka mga armadong lalaki ug gisakay sa pula nga van, nahitabo kini mga alas 6 sa kagabie didto sa may Pob. Labason, ug mismo sa iyang tindahan.
Matod pa sa labason PNP nga nahitabo kini sulod sa tindahan u gang mga suspek nagpaka aron ingnon nga Costumer.
Human sa panghitabo ang kapulisan sa nahisgutan nga lungsod, dali nga nagpahigayon ug hot pursuit operation, ug didto ilang nakita ang gisakyan nga van duol sa baybayon sa brgy. Osukan, mga 2-3km gikan sa sentro sa maong lungsod.
Si Zamboanga Del Norte police chief Senior Supt. Raul Tacaca, nagkanayon nga padayon pa ang Ilang pagpangita sa biktima ug sa mga midagit.
