Update: Padayon pa karon gipangita sa mga otoridad ang anak sa mayor sa lungsod sa Labason, Zamboanga del Norte, human gidagit alas 6:30 karon gabii.
Sa interview sa rmn dxdr sa desk officer nga si PO2 Joy Sabihon sa Labason municipal police station, gikompermar niini ang pagdagit kang Jed Tui Quimbo, 28 anyos, usa ka ulitawo, taga barangay Gil Sanchez, tag -iya ug hardware sa barangay Antonino ug anak ni mayor Eddie T. Quimbo sa susamang lungsod .
Nasayran nga nanirado na niaadtong higayuna ang bikitima ug sa dihang gipadlakan ang sira sa hardware kalit nibutho ang close type van kolor pula, plaka numero TNN 517 sakay ang gibana banang unom ka wala mailang mga armadong lalaki nga dunay dalang mga short firearm.
Ang isa niini maoy niti-on sa wala pa matino nga kalibre sa pistola ngadto sa batabata niini ug pogsanong gipasakay ug gidala ang biktima.
Ulahing narekober ang gigamit nga sakyanan, duha ka kilometros ang gilay-on sa gidagitan didto barangay Osukan, duol sa baybay.
Gituhoan nga gisakay ang biktima sa naghulat nga duha pump boat sa dagat sibat paingon sa barangay Kipit.
Hot Pursuit operation sa Labason PNP uban ang 42nd IB on going.
