Davao City – Dili babag ang sistema, teknolohiya o modelo alang sa mas epektibong pagresponde sa mga natural calamities sa Pilipinas kon dili ang atong batasang Pilipino nga gahi gyud ta’g ulo.
Kini maoy gituhoan ni Kabalikat Civicom 995 spokesperson Prime Cruz atol sa interbyu kaniya sa tulumanong ‘Straight to the Point’.
Gibutyag ni Cruz nga wala gayud nakakat-on ang mga Pilipino sa mga niaging kalamidad sama niadtong tuig 2011 diin 1,400 ka mga tao ang namatay atol sa Bagyong ‘Sendong,’ gisundan sa distrosong bagyong ‘Pablo’ diin kapin 2,000 nga mga lungsuranon ang naangin hangtod sa pagkunsad dinhi ni Bagyong ‘Yolanda’ diin moabot sa 8,000 ang gikatahong namatay upat ka tuig na ang nakalabay.
Matud sa disaster management advocate, naka-pattern na ang atong sistema sa pagtubag sa mga kalamidad diha sa template sa ubang nagmalamboong kanasuran susama sa America ilabi na dinha sa natad sa ‘disaster preparedness’ apan kining kultura sa mga Pinoy nga lisod pasabton ang maong angay una natong rebisahon kun usbon.
RadyoMaN Jason Amisola
