Guilty beyond reasonable doubt.
Ini ang pamatbat sang Sandiganbayan special 6th Division sa kaso nga ginapangatubang ni Mayor Rufino Palabrica.
Sa desisyon nga ginpaguwa sang Sandiganbayan sang Hulyo 19, 2019 , napamatud-an nga guilty beyond reasonable doubt si Palabrica sa duha ka counts sang paglapas sa sec. 3(h) sang Republic Act 3019 ukon Anti-graft and corrupt Practices Act.
Bangud sini, ginpamatbatan si Palabrica nga mapriso sang anum ka tuig tubtub walo ka tuig sa tagsa ka count kag indi na mahimo maka-uyat sang anuman nga posisyon sa gobyerno.
Nahibaluan nga ginkasuhan sa Ombudsman si Palabrica sang 2013 bangud s apag-isyu sang permit kag lease contract sa drug store nga iya man ginapanag-iyahan.
Matapos makitaan sang Ombudsman nga may probable cause ang kaso batuk kay Palabrica, ginmandu sini ang pagpasaka sang kaso sa Sandiganbayan.
Matapos ang halos anum ka tuig, naguwa ang desisyon sang Sandiganbayan batuk kay Palabrica nga guilty beyond reasonable doubt.
