Sa Senate investigation kaina angot sa kontrobersyal nga Dengvaxia vaccine , gintuad ni anay Department of Health Secretary Paulyn Ubial nga si Cong. Oscar ‘Richard’ Garin Jr. , Iloilo 1st District Representative ang nagrequest nga i-extend kag dugangan ang pondo para sa dengue vaccine program.
Suno kay Ubial nga natabo ini sadtong Agosto 14, 2017 sa isa ka budget hearing sang Committee on Appropriations.
“In the last budget hearing, one of the representatives that asked me to buy more dengue vaccine and put it in the 2018 budget is no other than Oscar Garin Jr.,” pahayag ni Ubial.
Ginpahayag ni Ubial nga wala siya nagsugot sa request ni Garin gani mahimo nga ini ang rason kon ngaa wala siya gin-confirm sang Commission on Appointments bilang DOH Secretary.
“I am very positive my confirmation was prejudiced by this particular issue,” pahayag ni Ubial.
Suno naman sa asawa ni Garin nga si anay Health Secretary Janette Garin, mahimo nga concern lang ang iya bana sa pagkumpleto sang tatlo ka dose sang bakuna.
“Listening to the minutes, he was concerned na nabakunahan ng first dose, ng second dose, paano ang third dose,” pahayag ni anay Health Secretary Janette Garin.
Dugang pa ni Garin nga wala nila gin-impluwensyahan ang CA.
“Sino ba kami para impluwensiyahan ang Commission on Appointments? It’s an independent body that should not be dragged in pointing accusations at the Department of Health,” pahayag ni Garin.
(photo from web)
