Anay empleyado han Tacloban City Hall, arestado ha buy-bust han PDEA

Paslak na ha PDEA detention facility an anay empleyado han Tacloban City Hall nga nagbabaligya hin illegal nga droga.

Ini in matapos magdumara hin Buy-bust operation an PDEA ha Brgy. 2 Magsaysay boulevard alas 2:50 kakulop.

Ginkilala an suspek nga hi Manuel Fausto, anay utility 2 ha City Mayor’s Office job order ngan volunteer traffic officer ha TOMECO.


Sumala kan PDEA Regional director Edgar Jubay, natiktikan ngan may nakarawat hira nga imporamsyon nga ini hi Fausto in nagbabaligya gud hin illegal nga droga.

“May mga information talaga kaming natatanggap na nagbebenta talaga sya nang illegal na droga.”

Napalit tikang ha suspek an usa ka sachet hiton gin aaligar shabu nga may kabug-at 0.1 gramo ngan ginbabaligya han suspek ha kantidad nga P500.00 pesos.

Narikupo gihapon han PDEA an usa nga cellphone ngan Honda CB motorcycle.
Dida han gindadakop na ini han mga otoridad waray naman daw ini umato pa.
Ginklaro naman ni Agripino Patalinhog han Human Resource Office han City Hall nga diri na kontektado an suspek ha Syudad.

“Nakakalungkot yung nangyari pero itong si Fausto hindi na sya connected sa City.”

Ha kampanya kontra illegal nga droga siring han PDEA nga waray hira sasantuhon nga dakpon iton mga suspek nga nagbabaligya la gihapon hini.

Facebook Comments