[Update] Isa pa gid ka biktima nga sakay sa motorsiklo nga nadisgrasya sa San Esteban Pilar, ginbawian na sang kabuhi samtang ginabulong sa ospital

50

Pilar, Capiz – Ginkumpirmar sang Pilar PNP nga ginbawian na sang kabuhi ang isa sa mga backrider sang naaksidente nga motorsiklo nga nabunggo sa railings sa Brgy. San Esteban, Pilar alas 11:30 sang nagligad nga gab-i.
Sa pagkig-angut kay PO1 dela Vega sang Pilar MPS, ginpahayag sini nga ginbawian na sang kabuhi samtang ginabulong sa ospital ang biktima nga ginkilala kay John Bernard dela Cruz sang Arcabalo Brgy. Bolo, Roxas City.
Samtang padayon nga ginatatap sang mga doktor ang isa pa gid ka backrider nga si Felimon Fontanilla sang Brgy. Libas, Roxas City. Sa madumduman, dead on arrival sang gindangat sa ospital ang driver nga si Rusell Moreno y Hervacio.
Nahibaluan nga nagikan ang mga nakainom nga biktima sa Balasan, Iloilo kun sa diin pag-abot sa kurbadahon nga porsyon sang amo nga lugar, wala makontrol sang driver ang manibela sang ginasakyan nga motorsiklo rasun nga nagbunggo ini sa railings.
*(photo from web)*

Facebook Comments