ILOILO City – Dapat i-refund sang mga anay kag incumbent officials sang Iloilo city government ang masobra sa P46 million nga ila nabaton bilang Productivity Enhancement Incentives ukon PEI sadtong 2009.
Ginbasura sang Commission on Audit ukon COA ang petition for review nga ginfile ni anay Mayor Jed Patrick Mabilog nga nagtiglawas sa rank and file employees sang Iloilo city government nga nagbaton sang PEI.
Bangud sini gin-uphold sang commission ang findings ang COA region 6.
Kaupod ni Mabilog nga ginmanduan nga irefund ang kabug-usan nga P46,424,238.24 nga PEI si congressman Jerry Trenas nga nagapungko bilang alkalde sang ginrelease ang incentive.
Matandaan nga nagpasar sang duha ka supplemental budgets ang konseho sadtong 2009 agud ma realign ang pondo gikan sa calamity fund kag personnel services.
Apang ginsiling sang COA nga indi mahimo mga ireallign ang unexpended budget sang calamity fund bangud dapat i-revert ini bilang unappropriated surplus para sa re-appropriations sa masunod nga budget sang tuig.
