Ginserbehan sang CIDG sang search warrant kaina sang hapon ang puluy-an sang anay manugkay-o sang armas sa barangay Zarrague, Pototan, Iloilo.
Pasado alas 3 kaina sang hapon sang ginpadulungan sang mga katapo sang CIDG ang puluy-an sangh subject nga si Jemelee Calise Sr. agud serbehan sang search warrant nga gin-isyu ni Honorable judge Vicente Go angut sa paglapas sa R.A. 10591.
Sa pagsulod sang mga otoridad sa balay ni Calise, natigayon nga marecover ang mga bala sang M16 armalire rifle, 12 gauge shot gun, suludlan sang armas kag mga bala sang kalibre 45 nga pistola.
Nakapalagyo naman ang suspek nga si Calise nga suno sa asawa sini tuga lamang sang kahadluk nga mapatay.
Ginpahayag sang asawa nga nagapangay-o gid man ang subject sang mga armas apang duha ka tuig na ini nga nag-untat kag karon nagapangabuhi sila pinaagi sa pagpanguma.
Handa naman sini nga ipa-surrender sa mga pulis ang iya bana.
