ANAY PROVINCIAL ADMINISTRATOR MANUEL "BOY" MEJORADA, GIN-ARESTO SANG KAPULISAN BANGUD SA KASO NGA LIMA KA COUNT SANG CYBER LIBEL.

Sa gahum sang warrant of arrest, gin-aresto sang mga katapo sang Pavia PNP kag IPPO_PDEU si anay Provincial Administrator Manuel “Boy “Mejorada sa kaso nga paglapas sa RA 10175 ukon Cybercrime law.
Ang lima ka warrant of arrest gin-isyu ni honorable Judge Victorino Maniba Jr. sang RTC branch 39 napetsahan June 4, 2019.
Ginserbe sang kapulisan ang warrant of arrest mga alas 5:30 sini lamang nga kasisdmon sa iya puluy-an sa Parc Regency sakop sang Barangay Balabag, Pavia, Iloilo.
Ang nasambit nga kaso may kaangtanan sa ginpasaka ni Governor Arthur Defensor Sr. bangud sa mga akusasyon ni Mejoarada batuk sa iya.
Ang tagsa ka kaso may gintalana nga piyansa nga Diyes mil pesos para sa iya temporaryo nga kahilwayan.