Mas midaghan pa ang mga patayng lawas nga nakalutan sa syudad sa Palu Indonesia human nga gikuso kuso sa bagyo og tsunami sa naasoyng lugar.
Gipakatag na sa nahisgutang lugar ang 82,000 ka military og mga civilian personnel og uban pang mga volunteers aron sa pagtabang sa pagpangita sa mga wala pa nakit ang mga patayng lawas sa mga biktima.
Sumala pa sa mga otoridad nga moabot na sa 1,649 ang ihap sa mga namatay og anaa usab sa 1,000 ang ihap sa mga nawala sa maong lungsod.Gibutyag sa relief groups nga nag kaanam na og kahurot ang suplay sa tubig og sa mga medical supplies.
Miabot na usab ang tabang gikan sa International community nga pila ka higayon kini nga napakyas .sumala pa sa united nations nga halos moabot sa 200,000 ka tao ang nanginahanglan og tabang.
Nawad an na usab og paglaom ang mga rescuers nga makasalbar pa sila og mga kinabuhi sa biktima sa trahedya gumikan kay miabot na sa walo ka dlaw ang ilang operasyon.
Tungod niini nahuna hunaan nalang sa gobyerno nga himuong mass grave ang maong village nga giguba sa bagyo og tsunami.kahibaloan nga niadtong biyernes giigo og 7.5 magnitude nga linog og gisundan pa kini og tsunami nga maoy nakaguba sa lungsod sa Sulawesi island.
Giandam man usab ang mamahimong hinabang sa nasud Pilipinas alang sa maong lugar sa Indonesia apil na ang team alang sa pagtabang nagpadayong rescue operations . ( Reynald Timario)
Photo from web
