Mikalat sa social media ang mga picture sa banggiitang aktres nga si Angel Locsin, trending kini tungod sa iyahang paghatod og hinabang personal sa mga naapektohan sa linog sa Makilala North Cotabato.
Unang nakita si Angel kauban ang iyahang fiancée nga si Niel Arce nga nag-grocery sa usa ka supermarket diri sa dakbayan sa Davao para dalahaon sa Cotabato.
Usa ka truck ang gipalit sa actress nga relief goods human gibiyahe dayon kini sa kung asa adunay daghanan nga katawhan ang nanginahanglan og tabang – Makilala.
Daghan ang nalipay sa gibuhat ni Angel Locsin, daghan ang mas mibilib pa sa actress tungod sa kinasing-kasing nga pagtabang.
Daan nang naga-volunteer si Angel Locsin sa mga katawhan, gikan sa bagyong Yolanda victims hangtod sa Marawi kung diin personal kining nagatabang sa ubang volunteers.
Daghan ang nag-ingon nga dili na kinahanglan sa aktres og superpower para makatabang sa katawhan.
