Davao City – Selos ang giingong hinungdan nga giunay og pusil patay sa sekyu ang iyahang kauban sa security agency ug sa gigwardiyahang subdivision sa Barangay Bago Gallera, Davao City kagahapong adlawa alas-2:15 sa kadlawon Nobyembre 7, 2023.
Gibutyag ni Police Major Romeo Mapanao Jr., Station Commander sa Baliok Police Station, nasuko ang suspek nga giidentipikang si Abdul Rahimin Padas nga ga-chat ang iyahang uyab ngadto sa biktima nga si Jimboy Canumay.
Gisibat usab sa suspek ang motor sa biktima ug ang duha ka 9mm Norinco pistol nga adunay serial number # 083864-20-296 ug 083263-20-296 nga gipanag-iyahan sa Hackett Security Agency.
Nagpadayon ang hot pursuit operation sa kapulisan batok sa niikyas nga suspek.
Gikumpirma ni Mapanao nga namatay sa Southern Philippines Medical Center (SPMC) ang biktima pasado alas-4 sa hapon nga adunay samad pinusilan sa liog ug nilapas kini sa likod sa iyahang ulo.
Kasong murder ug theft ang ipasaka batok sa suspetsado.
RadyoMaN Aimee Guinita
Facebook Comments
