Alayon ani, kasamtangang gipahigayon ang Change of Command Ceremony sa 1003rd Infantry Brigade Philippine nga nahimutang sa Mahayag, Bunawan aron opisyal ipasa ang baton kang Martinez gikan kang Custodio.
Magsilbing pinasidunggang Bisita ug Presiding General Officer si Brigadier General Benjamin Hao, Regiment Commander, Philippine Army.
Ilawom sa liderator ni Custodio, ang 10th ID CMO Batallion nahimong aktibo sa mga kalihokan pangkatilingbanon sama sa outreach program sa mga kumonidad sa mga kabarangayan sa rehiyon onse, paghatod og mga impormasyon, ug ingon man ang pagpakusog ug pag-implimintar sa mga programa sa tanang CMO sa mga Batallion nga ubos sa mando sa 10th ID Philippine Army.
Ang ambag sa CMO Batallion dakong tabang sa pagpukan sa mga sakop sa teroristang CPP NPA NDF ug sa pagdeklara sa entero Davao Region nga Insurgency-Free.
Nagpasalamat si Custodio sa mga Dabawenyo ug labaw na sa Tri-Media Organization for Peace Alliance in Mindanao Incorporated (TROPA) sa wa’y puas nga suporta sa iyang liderato sulod na sa duha ka tuig nga panerbisyo isip CMO Batallion Commander.
Nasayran nga si Custodio, madestino pag-usab sa Luzon area gikan sa 10th ID Philippine Army.
RadyoMaN Joel Viray
