General Santos City–Gipaklaro ni Police Major Jovenson Bayona, Chief Of Operation sa Gensan City Police Office nga subay sa mando gikan sa National nga panggamhanan, bawal gyud ang pag-angkas sa motorsiklo.
Apan sila matud pa sa dakbayan ang adunay mga ginapatuman nga konsiderasyon subay na usab sa naunang direktiba ni Gensan City Mayor Ronnel Rivera nga kung asawa o miyembro sa pamilya ang sakay, kini tugutan hilabina kung kini lang maoy pamaagi sa ilang transportasyon.
Pamahayag niya nga sa karon, ginabawal una ang mga habal-habal gumikan aduna pa may ubang pwedeng masakyan sama sa tricycle ug jeep o mga PUV.
Samtang gi-angkon ni Police Major Bayona nga ang nagkatag karon sa social media nga sumala pa mando ni Police Col. Aden Lagrandate, City Director sa GSCPO ang lakip sa ilang mga nasabutan mahitungod sa pagsikop sa mga madakpan nga adunay angkas.
Pamahayag niya nga ang napulo nga kota matag adlaw sa mga unit nga mag-implementar ang parte sa ilang mando aron nga masigurong magtrabaho ang kapulisan.(LVR)
