Angkas sa motor, patay sa aksidente

32

Patay ang angkas sa motor nga si Poloy Cailing, taga Macabalan ning syudad human milagpot og nakapasok sa trailer truck, sa Barangay Cugman ning syudad mga alas onse kaganihang buntag.

 

Matud ni SPO2 Elmo Butra, Chief Traffic Investigator sa Police Station 10 Cugman, nga nakainum ang drayber sa motor nga si Erwin Bautista, 36 anyos taga Bulacan, Manila apil na ang angkas niini, dihang nagmaneho sa iyang motorsiklo.

 

Nasayran nga gikan sa syudad ang mga biktima dihang mi-u turn kini sa Tabucnay Baloy, apan na slide ang motor ug milagpot ang angkas nga si Cailing ug didto napasok sa nagdagan nga trailer truck.

 

Matud sa drayber sa truck nga si Richard Ramos, 42 anyos, taga Calaanan ning syudad, nga padulong siya sa sentrong bahin apan dako na lang ang iyang katingala dihang kalit nga mibangga sa likod sa iyang truck ang mga biktima.

Facebook Comments