General Santos City— Dili pa makumpirma ni Police Senior Superintendent Leonardo Suan, Deputy Regional Director For Operations sa PRO 12 nga druga ang hinungdan sa pagpusil-patay sa duha ka mga pulis sa rehiyon.
Sumala niya nga wala man sa actual nga operasyon namatay ang mga nahisgutang pulis rason nga kini ang kinahanglan pa nga imbestigahan kung unsa ang tinuuray nga motibo.
Apan gipaklaro ni Col. Suan nga magpadayon ang ilahang kampanya batok illegal nga druga luyo pa man sa nahitabo sa ilahang mga personahe.
Dugang pa ni Col. Suan nga padayon man ang ilahang ginahimo nga pahimango sa tanang kapulisan nga dili magpasagad sa ilahang siguridad. Gumikan sagad sa mga target sa operasyon hilabi na ang may kalabutan sa druga ang mga armado.
Paniguro man usab niini nga ilahang tutukan ang kaso sa mga pulis nga biktima sa mga kriminal aron nga matun-an ug kini malikayan.
