General Santos City—Gipangandaman na sa Sarangani Police Office ang selebrasyon sa anibersaryo sa grupong new people’s Army kon NPA karong umaabot nga disyembre 26.
Sumala ni Police Supt. Teody Condesa, ang tigpamaba sa Sarangani Police Office nga matag tuig aduna gyoy ginahimong pagpang-ataki ug pagpanabotahe ang maong grupo.
Tungod niini ang kapulisan sa Sarangani nagpatuman ug hugtanong siguridad sa mga lungsod nga adunay presensya sa NPA.
Pagbutyag ni Condesa nga bisan pa nagdeklara ug Unilateral ceasefire ang NPA dili gihapon sila mokumpyansa.
Sa ilang kasinatian, bisan paman nga nag deklara ug ceasefire ang maong grupo duna gihapon silay gihimong pagpangsunog ug mga ekwepo, bus ug gapahigayon ug pangpang-extort.
Kalabot niini, nanawagan si Condesa sa katawhan hilabi na sa mga nagpuyo sa mga hilit nga dapit nga gilayong isumbong sa kapulisan o militar kung aduna silay makit-ang armado diha sa ilang lugar.
